زیر بحثبشریٰ بی بیورلڈکپ 2023عمران خان

 آسٹریلیا (487/10 , 113.2 اوورز) -  پاکستان (271/10 , 101.5 اوورز) -  آسٹریلیا (5/2 , 8.2 اوورز)

حکومت کا پٹرولیم مصنوعات سستی کرنے کا اعلان

نگران وزیر اعظم نے 16 دسمبر سے پٹرولیم مصنوعات کی نئی قیمتوں کے نفاذ کی منظوری دے دی

 محمد علی  جمعہ 15 دسمبر 2023  23:04

اسلام آباد (اردو پوائنٹ تازہ ترین اخبار ۔ 15 دسمبر 2023ء ) حکومت کا پٹرولیم مصنوعات سستی کرنے کا اعلان۔ تفصیلات کے مطابق نگران وزیر اعظم نے 16 دسمبر سے پٹرولیم مصنوعات کی کی قیمتوں میں کمی اور نئی قیمتوں کے نفاذ کی منظوری دے دی ہے۔ نگران وفاقی حکومت کی منظوری سے پٹرولیم مصنوعات کی قیمتوں میں 14 روپے تک کمی کی منظوری دی گئی ہے۔ جاری نوٹیفیکیشن کے مطابق نئی پٹرولیم مصنوعات کی قیمتوں کا اطلاق آج رات 12 بجے سے ہو گا، 16 دسمبر سے 31 دسمبر تک کیلئے پٹرول کی قیمت میں 14 روپے فی لیٹر جبکہ ڈیزل کی قیمت میں 13 روپے 50 پیسے فی لیٹر کمی کر دی گئی ہے۔

لائٹ اسپیڈ ڈیزل اور مٹی کے تیل کی قیمتوں میں بھی کمی کر دی گئی ہے۔ مٹی کا تیل 10 روپے 14 پیسے فی لیٹر جبکہ لائٹ اسپیڈ ڈیزل 11 روپے 29 پیسے فی لیٹر سستا کر دیے گئے۔

Ahmed

پٹرولیم مصنوعات کی قیمتوں میں کمی کے بعد پٹرول کی فی لیٹر نئی قیمت 267 روپے 34 پیسے، ہائی سپیڈ ڈیزل کی نئی قیمت276 روپے21 پیسے ، مٹی کے تیل کی قیمت 191 روپے 02 پیسے اور لائٹ ڈیزل کی قیمت 164 روپے 64 پیسے فی لٹر ہوگئی۔

واضح رہے کہ عالمی مارکیٹ میں خام تیل سستا ہونے کی وجہ سے پاکستان میں بھی پٹرولیم مصنوعات سستی ہونے کی امید ظاہر کی جا رہی تھی۔ خام تیل کی قیمت 79 ڈالر فی بیرل سے کم ہو کر 73 ڈالر تک آگئی جس کے بعد ڈیزل کی قیمت کم از کم 12 روپے فی لیٹر اور پٹرول کی قیمت 10 روپے فی لیٹر نیچے آنے کا امکان ظاہر کیا گیا تھا۔ مٹی کے تیل کی قیمت میں بھی 7 روپے اور لائٹ ڈیزل آئل کی قیمت میں 13 روپے کی کمی کی امید ظاہر کی گئی تھی۔

Ahmed